УСУ ўдарылі па збоі расейскіх вайскоўцаў каля Сватава

• 27.11.2022, 19:45

Акупанты вымушаныя праводзіць медыцынскую эвакуацыю.

У Генштабе УСУ пацвердзілі паразу варожага аб'екта ў раёне Сватава, дзе знаходзіліся блізу 70 акупантаў.

«Акупанты працягваюць несці страты. Мясцовыя лякарні Шчасцінскага раёна Луганскай вобласці перагружаны з-за вялікай колькасці параненых захопнікаў. Супраціўнік вымушаны праводзіць медыцынскую эвакуацыю параненых вайскоўцаў у Луганск», - гаворыцца ў справаздачы Генштаба УСУ на 18:00.

Таксама пацверджаная параза варожага аб'екта ў раёне населенага пункта Сватава 25 лістапада - там знаходзіліся блізу 70 вайскоўцаў супраціўніка.

«Колькасць параненых і загінулых акупантаў удакладняецца», - гаворыцца ў зводцы.

Акрамя таго, за дзень падраздзяленні ўкраінскіх ракетных войскаў і артылерыі знішчылі тры раёны засяроджвання асабовага складу, узбраення і вайсковай тэхнікі ворага.