Расейцы рыхтуюць «жэст добрай волі» на Запарожскай АЭС?
- 27.11.2022, 18:52
Ёсць прыкметы, што акупанты могуць пакінуць аб'ект.
Прэзідэнт украінскага «Энэргаатама» Пятро Коцін заявіў, што цяпер назіраюцца прыкметы таго, што расейцы могуць рыхтавацца пакінуць Запарожскую атамную электрастанцыю.
Пра гэта ён расказаў у эфіры тэлемарафона.
«Па-першае, вельмі шмат стала з'яўляцца публікацый у расейскай прэсе аб тым, што ЗАЭС, магчыма, варта было б пакінуць, магчыма, яе варта перадаць МААЭ пад кантроль. Такое, ведаеце, уражанне, што яны збіраюць валізкі і што яны крадуць усё, што могуць знайсці», - сказаў Коцін.
У той жа час прэзідэнт "Энергаатама" дадаў, што пакуль рана гаварыць пра тое, што расейскія вайскоўцы з'язджаюць з ЗАЭС, але яны рыхтуюцца да гэтага.