NYT: УСУ праявілі немалую вынаходлівасць, каб знішчыць крэйсер «Масква» і адбіць Змяіны

• 27.11.2022, 10:08

У NATO ўкраінскіх вайскоўцаў называюць «войскам МакГайвера»

У краінах-хаўрусніцах Украіны не перастаюць захапляцца вынаходлівасцю УСУ, якія больш за дзевяць месяцаў ваююць супраць значна большых па колькасці сіл агрэсара Расеі. У NATO ўкраінскіх вайскоўцаў называюць «войскам МакГайвера», што з'яўляецца супастаўленнем са старым тэлесерыялам, у якім герой вынаходлівы і імправізуе з усім, што трапляецца пад руку.

Так аналітыкі адзначаюць уменне абаронцаў адаптаваць пад асаблівасці фронту перададзеную ім заходнюю зброю. Такую ўкраінскія воіны абралі, каб знішчыць расейскі крэйсер «Масква» і адбіць у акупантаў востраў Змяіны, піша The New York Times.

«Напрыклад, для абстрэлу расейскіх пазіцый на Змяіным украінцы паставілі «Цэзараў» (сучасныя гаўбіцы Caesar французскай вытворчасці. – Рэд.) з далёкасцю дзеяння 40 кіламетраў на баржы і адбуксіравалі іх на 10 кіламетраў, каб пацэліць па востраве, які знаходзіўся ў 50-ці км. Гэта здзівіла французаў», - адзначылі аналітыкі.

Таксама для партнёраў Украіны стала здзіўленнем аперацыя УСУ ў знішчэнні флагмана Чарнаморскага флоту РФ - ракетнага крэйсера «Масква».

«Украіна патапіла «Маскву» сваімі адаптаванымі ракетамі і пабудавала беспілотнікі, якія могуць атакаваць караблі ў моры», - паказалі аналітыкі на немалую вынаходлівасць украінскіх воінаў.

Адзначым, што матэрыял The New York, у якім згадваецца адаптыўнасць украінскага войска, прысвечаны тэме вайсковай дапамогі Украіне. Экспэрты ўказваюць, што ў Захаду ўсё яшчэ дастаткова тэхнікі, каб працягваць пастаўляць яе і забяспечыць нашу краіну тым, што ёй трэба на полі бою супраць расейскіх акупантаў.