У Варшаве пройдзе акцыя ў гонар герояў Слуцкага збройнага чыну
- 26.11.2022, 15:30
Беларусы Варшавы збяруцца 27 лістапада на плошчы Жалезнай Брамы.
27 лістапада ў Варшаве адбудзецца акцыя памяці з нагоды 102-й гадавіны Слуцкага збройнага чыну (1920-2022).
Аб гэтым паведамілі арганізатары мерапрыемства.
Акцыя пройдзе на плошчы Жалезнай Брамы (plac Żelaznej Bramy) у цэнтры польскай сталіцы.
Плануецца выступленне шэрагу палітыкаў Беларусі і Польшчы на знак салідарнасці з беларусамі, якія працягваюць барацьбу за вызваленне сваёй краіны.