КДК зачыніў дзве крамы — адну пад Менскам, другую ў Віцебску
- 25.11.2022, 20:25
У чым прычына.
Камітэт дзяржкантролю 25 лістапада прыпыніў дзейнасць дзвюх крам. У адной знайшлі парушэнні заканадаўства аб гандлі, у іншай - прадукты, якія пагражаюць здароўю, паведамляе прэс-служба ведамства.
У кастрычніку кантралёры правяралі краму ў вёсцы Малінаўка Менскага раёна і знайшлі там «грубыя парушэнні заканадаўства аб гандлі». Уласніку гандлёвага пункту выдалі рэкамендацыі для іх ліквідацыі, а той праз некаторы час паведаміў, што ўсё выпраўлена.
«Разам з тым, паўторны маніторынг паказаў, што парушэнні не ліквідаваныя, а таксама дапушчаны новыя», — заявілі ў КДК.
У Віцебску ў сувязі з рэалізацыяй прадукцыі, якая нясе пагрозу здароўю грамадзян, прыпыненая работа крамы «Святлафор».
«Да продажу тут прапаноўваліся няякасныя рыбныя кансервы, фактычная маса якіх да таго ж была меншая за заяўленую ў маркіроўцы. Акрамя таго, неналежнай якасці былі кансервы з мяса птушкі», - распавялі ў ведамстве.
У сакавіку гэтага года дзейнасць гэтай крамы ўжо прыпынялі за шматлікія парушэнні санітарных норм і правіл.
КДК зачыніў дзве крамы — адну пад Менскам, другую ў Віцебску
У чым прычына.
Камітэт дзяржкантролю 25 лістапада прыпыніў дзейнасць дзвюх крам. У адной знайшлі парушэнні заканадаўства аб гандлі, у іншай - прадукты, якія пагражаюць здароўю, паведамляе прэс-служба ведамства.
У кастрычніку кантралёры правяралі краму ў вёсцы Малінаўка Менскага раёна і знайшлі там «грубыя парушэнні заканадаўства аб гандлі». Уласніку гандлёвага пункту выдалі рэкамендацыі для іх ліквідацыі, а той праз некаторы час паведаміў, што ўсё выпраўлена.
«Разам з тым, паўторны маніторынг паказаў, што парушэнні не ліквідаваныя, а таксама дапушчаны новыя», — заявілі ў КДК.
У Віцебску ў сувязі з рэалізацыяй прадукцыі, якая нясе пагрозу здароўю грамадзян, прыпыненая работа крамы «Святлафор».
«Да продажу тут прапаноўваліся няякасныя рыбныя кансервы, фактычная маса якіх да таго ж была меншая за заяўленую ў маркіроўцы. Акрамя таго, неналежнай якасці былі кансервы з мяса птушкі», - распавялі ў ведамстве.
У сакавіку гэтага года дзейнасць гэтай крамы ўжо прыпынялі за шматлікія парушэнні санітарных норм і правіл.