Лукашэнка падарыў Пуціну трактар

• 7.10.2022, 18:29

У Сеціве пасмяяліся з падарунка дыктатара.

Лукашэнка накіраваўся на неафіцыйны саміт кіраўнікоў СНД у Санкт-Пецярбург. Акцыю зладзіў Пуцін, які ў гэты дзень святкуе сваё 70-годдзе. Лукашэнка падарыў кіраўніку Крамля падарункавы сэртыфікат на трактар Belarus 1523.3.

У Сеціве жартуюць, што ў гэтым падарунку шмат сымбалізму. Бо з дапамогай беларускіх трактароў УСУ буксіравалі падбітую расейскую тэхніку на самым пачатку вайны.