Партызаны Марыупаля падпалілі месца раскватаравання расейскіх афіцэраў

• 7.10.2022, 17:00

Над будынкам бачны густы дым.

У часова захопленым расейцамі Марыупалі група супраціву «Ї» заявіла аб паспяховым падпале месца раскватаравання расейскіх афіцэраў.

Як паведамляе Цензор.НЕТ, пра гэта ў тэлеграме паведаміў дарадца гарадскога галавы Марыупаля Пётр Андрушчанка і апублікаваў відэа, на якім можна бачыць густы дым з месца, дзе стаіць будынак расейскіх афіцэраў.

«Група Марыупальскага Супраціву «Ї» паведаміла аб паспяховым падпале месца раскватаравання расейскіх афіцэраў у Марыупалі. Добрае віншаванне да дня нараджэння самага агіднага дыктатара 21 стагоддзя», - адзначыў чыноўнік пад відэа.

Ён працытаваў паведамленне ад удзельнікаў марыупальскага супраціву аб іх падпале варожай маёмасці.