Пуцін унёс змены ва ўказ аб адтэрміноўках ад мабілізацыі ў РФ

• 6.10.2022, 10:13

Дакумент уваходзіць у дзеянне ў дзень яго падпісання.

Прэзідэнт Расеі Уладзімір Пуцін падпісаў указ аб унясенні змяненняў ва ўказ аб выдачы адтэрміноўкі ад прызыву на ваенную службу ў мабілізацыі, ён апублікаваны на сайце Крамля.

Згодна са зменамі, адтэрміноўка ў мабілізацыі таксама будзе прадастаўленая:

аспірантам і ардынатарам;

грамадзянам, якія атрымліваюць сярэднюю прафесійную і вышэйшую адукацыю ў інавацыйных навукова-тэхналагічных цэнтрах;

навучэнцам духоўных адукацыйных арганізацый.

Указ уваходзіць у дзеянне ў дзень яго падпісання і распаўсюджваецца на «прававыя дачыненні, якія ўзніклі з 21 верасня 2022 года», калі ў Расеі была абвешчаная «частковая мабілізацыя».