У Харкаўскай вобласці вайскоўцы РФ вырывалі ўкраінцам залатыя каронкі

• 5.10.2022, 11:09

Апублікаваны жудасныя кадры з засценкаў акупантаў.

У вёсцы Пяскі-Радзькоўскія Харкаўскай вобласці следчыя знайшлі катоўню расейскіх акупантаў. Там расейскія вайскоўцы здзекаваліся з украінцаў — мясцовых жыхароў, байцоў АТА і палонных з УСУ.

Жудасныя кадры з катавальні апублікаваў у Facebook начальнік следчай управы ГУ Нацпаліцыі ў Харкаўскай вобласці Сяргей Болвінаў.

«Суседзі ўвесь час чулі адтуль крыкі. Следчыя знайшлі жудасную катавальную ў в. Пяскі-Радзькоўскія», - напісаў ён.

Паводле ягоных слоў, пасля дэакупацыі Харкаўскай вобласці ў паліцыю паступаюць заявы аб калабарантах, злачынствах войска РФ, а мясцовыя жыхары даюць сведчанні.

«Пасля вызвалення вёскі Пяскі-Радзькоўскія ў паліцыю звярнуліся мясцовыя жыхары, якія ў сутарэнні аднаго з дамоў утрымлівалі палонных - мясцовых жыхароў, АТАўцаў і палонных з УСУ» - напісаў Болвінаў.

Цяпер паліцыі дакладна вядома аб катаваннях. Людзей жыўцом закопвалі і выкопвалі з зямлі, выкарыстоўвалі процівагаз з анучай, якая курэла.

Таксама праваахоўнікі знайшлі скрынку з вырванымі зубнымі пратэзамі, правады з вяроўкамі і ліст з апытаннем аднаго з мужчын, якія там знаходзіліся.

Паліцыі вядомыя звесткі вайскоўцаў, з якіх здзекаваліся расейцы.

«Следчыя і пракуроры працуюць над усталяваннем усіх фактаў, якія адбыліся ў гэтай катавальні. Правасуддзе знойдзе кожнага вінаватага», - дадаў начальнік следчай ўправы ГУ Нацпаліцыі ў Харкаўскай вобласці.

Абнародаваная паліцыяй інфармацыя шакуе. Украінцы параўналі дзеянні расейскіх акупантаў з ваеннымі злачынствамі фашысцкай Нямеччыны.