Байдэн абвясціў аб пакеце дапамогі для Украіны на $625 мільёнаў

• 4.10.2022, 20:34

Кіеў атрымае новыя HIMARS.

Прэзідэнт ЗША Джо Байдэн падчас тэлефоннай размовы з прэзідэнтам Украіны Уладзімірам Зяленскім абвясціў аб новым пакеце вайсковай дапамогі для Украіны на $625 млн, які ўключае дадатковыя РСЗА HIMARS.

Пра гэта паведамляе прэс-служба Белага дома.

"Прэзідэнт Байдэн паабяцаў далей падтрымліваць Украіну, паколькі яна абараняецца ад расейскай агрэсіі столькі, колькі спатрэбіцца, уключаючы выдачу сёння новага пакета дапамогі ў галіне бяспекі на суму $625 млн", — гаворыцца ў паведамленні.

Новы пакет уключае дадатковае ўзбраенне і абсталяванне:

РСЗА HIMARS;

артылерыйскія сістэмы і боепрыпасы;

бранятэхніку;

транспартныя сродкі.

Байдэн таксама пацвердзіў пастаянную гатоўнасць ЗША ўскласці сур'ёзныя выдаткі на кожную фізічную асобу, арганізацыю або краіну, якія падтрымліваюць меркаваную расейскую анэксію.