УСУ вызвалілі ключавы населены пункт у Херсонскай вобласці
- 4.10.2022, 18:52
Падняты ўкраінскі сцяг.
Міністэрства абароны Украіны апублікавала відэа з сяла Давыдаў Брод у Херсонскай вобласці. На кадрах салдаты УСУ паднімаюць на тэлевышцы ўкраінскі сцяг.
Вёска знаходзіцца на беразе ракі Інгулец і на мяжы з Мікалаеўскай вобласцю.
Яшчэ сёння раніцай пракрамлёўскія тэлеграм-каналы не прызнавалі здачу Давыдава Брода, але гаварылі пра няспынныя спробы УСУ прарваць абарону расейскага войска. У панядзелак расейскія СМІ сцвярджалі, што адзін такі напад здолелі адбіць.
Цяпер прарасейскія крыніцы пішуць, што «з узяццем Давыдава Брода УСУ зможа перакідваць тэхніку праз Інгулец і развіваць наступ на Херсон».