Над Ліманам афіцыйна паднялі ўкраінскі сцяг

• 4.10.2022, 17:31

Населены пункт быў цалкам вызвалены ад расейцаў 2 кастрычніка.

У вызваленым ад акупантаў Лімане на Данбасе адбылася афіцыйная цырымонія ўзняцця Дзяржаўнага флага Украіны.

Як паведамляюць Наземныя войскі УСУ, удзел ва ўрачыстай цырымоніі ўзняцця сцяга сёння ўзяў камандуючы Наземных войскаў генерал-палкоўнік Аляксандр Сырскі.

Таксама ў цырымоніі бралі ўдзел воіны УСУ, якія непасрэдна вызвалялі Харкаўскую і Данецкую вобласць ад расейскіх акупантаў, прадстаўнікі Нацпаліцыі, Нацгвардыі, вайскова-цывільнай адміністрацыі і жыхары горада Лімана.