Мянчук: Пасля ўкладкі асфальту на вуліцы аўто сталі падскокваць

• 4.10.2022, 12:16

Відэафакт.

На незвычайную асаблівасць абноўленага пакрыцця вуліцы Даўгабродскай у Менску звярнуў увагу чытач «Онлайнера» Піліп. У канцы верасня тамака скончылі працы ўкладкі асфальту. Са слоў менчука, на адным з адцінкаў утварыўся перапад: «Усе аўто ў гэтым пункце падкідвае так, як пры пераездзе праз «ляжачы паліцэйскі».

Стык знаходзіцца паміж дамамі 4 і 5 па вуліцы Даўгабродскай. «Знака з абмежаваннем на 40 км/г, як у раёне штучнай няроўнасці, там няма, - распавёў жыхар сталіцы. - Дазволеная хуткасць 60 км/г. Частка аўтамабілістаў паспявае знізіць хуткасць, частка - пралятае. У выніку ўсіх падкідвае на гэтым грудку».