Украінскія спецназаўцы выжылі пасля патрапляння варожага набою ў сваю машыну і паказалі момант на відэа

• 4.10.2022, 10:05

Унікальныя кадры з Херсонскай вобласці.

Байцы Сіл спецыяльных аперацый УСУ апублікавалі відэа, на якім у іх машыну трапляе расейскі набой. Украінскія вайскоўцы цудам выжылі пасля абстрэлу.

Адпаведныя кадры паказала прэс-служба Сіл Спецыяльных Аперацый у Telegram.

«На гэтых унікальных кадрах - фрагмент аперацыі ў Херсонскай вобласці, падчас якой расейцы былі выбітыя з некалькіх населеных пунктаў. Аператары ССА Украіны першымі заходзілі ў акупаваныя вёскі і даслоўна выціскалі з іх супраціўніка», - гаворыцца ў паведамленні.