Кіраўнік Пентагона асабіста папярэдзіў Шайгу

• 3.10.2022, 11:13

Іншыя чальцы ўрада ЗША нядаўна перадавалі аналагічныя паведамленні Расеі.

Кіраўнік Пентагона Лойд Осцін асудзіў «бразгаценне ядзернай зброяй» з боку РФ і адзначыў, што пакуль не бачыць прыкметаў таго, што крамлёўскі дыктатар Уладзімір Пуцін рыхтуе такі ўдар.

У інтэрв'ю CNN Осцін паведаміў, што пастанову аб выкарыстанні ядзернай зброі ў Расеі прымае адзін чалавек - Пуцін.

Са слоў кіраўніка амерыканскага абароннага ведамства, у прыватных размовах з кіраўніком мінабароны РФ Сяргеем Шайгу ён перасцерагаў не "ісці гэтым шляхам і не паводзіць сябе так безадказна".

Осцін сказаў, што ён не размаўляў з Шайгу ў апошнія дні, але сказаў, што іншыя чальцы ўрада ЗША «нядаўна перадавалі аналагічныя паведамленні Расеі».