УСУ вызвалілі яшчэ адзін населены пункт на Данбасе
- 2.10.2022, 17:42
Вызваленае сяло размешчанае за 16 кіламетраў на ўсход ад Лімана.
2 кастрычніка Узброеныя Сілы Украіны зачысцілі Ліман на Данеччыне ад расейскіх акупантаў, а таксама ўвайшлі ў сяло Торскае, рухаючыся на ўсход, піша «Апостроф».
Украінскія вайскоўцы зайшлі ў Торскае і ўсталявалі ля ўезду ў сяло сцяг Украіны. Фота з пацверджаннем гэтага было апублікаванае блізу 15.55.
Як вядома, Торскае размешчанаеза 16 км на ўсход ад Лімана, пра што сведчаць мапы. Устанаўленне кантролю над Торскім дазваляе Узброеным Сілам Украіны прасоўвацца ў кірунку Крамянной, куды адступілі ацалелыя расейскія акупанты з Лімана.
Узброеныя Сілы Украіны працягваюць развіваць контрнаступленне на ўсходзе краіны, вяртаючы пад свой кантроль усё больш украінскіх тэрыторый. Расейскія акупанты змушаныя адыходзіць.