«Поўнае трызненне»: Акупант развянчаў прапаганду пра «поспехі» войска РФ ва Украіне

• 2.10.2022, 11:32

«Перамогі» маюць месца толькі ў тэлевізіі.

Акупанты расказваюць родным пра сапраўдны стан расейскай арміі. Аднак родныя больш давяраюць прапагандзе і не могуць паверыць, што іх перамогі толькі ў тэлевізіі.

Пра гэта паведамляе Галоўная ўправа выведкі Мінабароны.

Выведка апублікавала перахопленую размову вайскоўца РФ з 6-й арміі 138-га асобнага мотастралковага дывізіёна з ягонай маці.

Акупант заклікаў маці не давяраць расейскай прапагандзе, бо сапраўдная сітуацыя на фронце іншая. Салдат скардзіцца, што ў іх не стае боепрыпасаў, а ўзбраенне старое і амаль недзеяздольнае.

«Усё, што паказваюць – поўнае трызненне. Поўнае. Гэта ўсё ў**боны. Ты б бачыла. Мы, калі суправаджалі калону тэхнікі – гэта п**дзец. Усе 50-х, 60-гадоў. І ўсё адзінкавае. Там тры танкі, пяць БМП там, моталыг», – сказаў ён.

Аднак маці не вельмі верыць словам свайго сына. Яна мяркуе, што тэлевізія паказвае праўду.

«Паказваюць кадры ўсё роўна адтуль. Значыць, ёсць і добрая тэхніка», – дадала жанчына.