Мінабароны РФ пацвердзіла страту Лімана
- 1.10.2022, 17:34
УСУ паведамляюць, што ў горадзе ідуць баі.
Мінабароны Расеі пацвердзіла страту Расеяй горада Лімана ў Данецкай вобласці Украіны.
"У сувязі са стварэннем пагрозы аблогі саюзныя войскі былі адведзеныя з населенага пункта Чырвоны Ліман на больш выгадныя рубяжы", - гаворыцца ў паведамленні ведамства.
Тым часам прэс-сакратар усходняй групоўкі войскаў УСУ Сяргей Чараваты ў суботу, 1 кастрычніка, пацвердзіў, што абаронцы Украіны зайшлі ў Ліман Данецкай вобласці, там ідуць баі.