Вольныя спартоўцы сабралі грошы для пазову супраць УЕФА і АБФФ

• 6.01.2022, 20:55

Дапамаглі неабыякавыя беларусы і бізнэс.

Беларускі фонд спартыўнай салідарнасці сабраў 22,5 тысячы еўраў для аплаты мыты ў Спартыўны арбітражны суд у Лазане (CAS), паведамляе БФСС.

Нагадаем, такую суму суд выставіў фонду за разгляд спраў дзевяці заяўнікаў супраць УЕФА і АБФФ. Частка сумы была сабраная за кошт прыватных ахвяраванняў беларусаў, яшчэ частку аплацілі беларускія прадпрымальнікі за мяжой, партнёрскія арганізацыі і футбольныя суполкі.

Вядома, што разгляд спраў можа заняць да трох месяцаў.