Лукашэнка ўзнагародзіў удзельнікаў міграцыйнага крызісу

• 27.01.2022, 20:26

Узурпатар пачаў завозіць нелегальных мігрантаў у Беларусь летась.

У ходзе праведзенай 27 студзеня цырымоніі ўручэння дзяржаўных узнагарод Аляксандр Лукашэнка адзначыў сваіх памежнікаў, супрацоўнікаў КДБ і іншых сілавых структур, якія бяздзейнічалі ў час міграцыйнага крызісу.

Пра гэта паведамляе прэс-служба дыктатара.

Лукашэнка звярнуў увагу на тое, як шырока прадстаўлены сярод узнагароджаных «людзі ў пагонах, пад абаронай якіх дзяржаўная мяжа, бяспека краіны і жыццё кожнага з нас», гаворыцца ў афіцыйным паведамленні.