Расея пачала вайсковыя вучэнні ў Чорным моры
- 26.01.2022, 18:47
Удзельнічаюць больш за 20 караблёў.
Чарнаморскі флот РФ на фоне магчымага поўнамаштабнага ўварвання Расеі ва Украіну 26 студзеня пачаў буйныя вайсковыя вучэнні, у Чорнае мора выйшлі больш за 20 караблёў. Пра пачатак вучэнняў паведаміла прэс-служба расейскага міністэрства абароны.
Да вучэнняў прыцягнуты фрэгаты, вартаўнічыя караблі, малыя ракетныя караблі і ракетныя катары, дэсантныя караблі, малыя супрацьлодкавыя караблі, а таксама тральшчыкі.
Экіпажы павінны правесці шэраг вучэнняў і трэніровак: па арганізацыі сувязі, бяспечным манеўраванні ў раёнах з інтэнсіўным суднаходствам і арганізацыі супрацьпаветранай абароны ў моры.