Новы ўдар па клане Назарбаева: у Казахстане змянілі кіраўніка ЦВК

• 25.01.2022, 10:25

Раней гэтую пасаду займаў сват дачкі елбасы.

Прэзідэнт Казахстана Такаеў вызваліў ад пасады кіраўніка ЦВК свата дачкі Назарбаева Берыка Імашава, адпаведны ўказ апублікаваны на сайце кіраўніка Казахстана.

Імашаў даводзіцца сватам старэйшай дачкі экс-прэзідэнта краіны Нурсултана Назарбаева, дэпутата мажылісу (ніжняй палаты) парламента Дарыгі Назарбаевай. Яго дачка Аіда - жонка Нуралі Аліева - сына Назарбаевай.

Новым старшынём Цэнтральнай выбарчай камісіі прызначаны Нурлан Абдзіраў, які быў намеснікам старшыні сэната парламента Казахстана.