Turkish Airlines скасавала рэйсы «Менск – Стамбул»

• 24.01.2022, 20:32

Названая прычына.

Авіякампанія Turkish Airlines праз магутныя снегапады, якія абрынуліся на Турцыю, скасавала рэйсы ў і са Стамбула, у тым ліку рэйсы «Менск-Стамбул». Выкананне ўсіх рэйсаў прыпыненая да 4 раніцы 25 студзеня, паведамляе авіякампанія.

На онлайн-табло менскага аэрапорта рэйсы са Стамбула з прыбыццём у Менск а 20:45 і з Менска ў Стамбул вылетам а 21:40 указаны як скасаваныя.