Як проста цяпер выглядае будоўля новага моста на Нямізе
- 24.01.2022, 17:00
Мост паказалі будаўнікі.
Сёння будаўнікі плануюць скончыць кладку бэлек на першым пралётным будынку пуцеправода на Нямізе, частка якога абрынулася ў студзені. Пра гэта «Минск-Новостям» распавёў кіраўнік сталіцы Уладзімір Кухараў. А «Мінскбуд» паказаў, як цяпер выглядае месца будаўніцтва.
Уладзімір Кухараў расказаў, што на сёння ўжо скончаныя бетонныя работы па ўладкаванню падмуркаў і падпорных сценак цэнтральнай апоры пуцеправода.
- На першым пралётным будынку заканчваецца ўкладванне бэлек і, я думаю, што сёння мы яго кончым. Далей прыступім да кладкі бэлек на другі пралётны будынак. Перадумоў выйсці з графіка няма, - сказаў кіраўнік Менска.
Сёння мост выглядае вось так:
Пешаходная частка пуцеправода над вуліцай Няміга ўпала ў ноч на 8 студзеня. Падчас здарэння ніхто не пацярпеў. У сувязі з перакрыццем часткі вуліц у цэнтры Менска ДАІ разам з праектнымі арганізацыямі распрацавала схему змянення арганізацыі дарожнага руху.
Будаўнікі ўжо разабралі стары мост і будуюць новы. Улады абяцаюць адкрыць яго для руху 10 лютага.