Безас уклаў мільярды ў праграму біялагічнага амаладжэння клетак

• 23.01.2022, 15:06

Кіруюць праектам два лаўрэаты Нобелеўскай прэміі.

Заснавальнік Amazon Джэф Безас інвеставаў у стартап Altos Labs, які зоймецца праграмай клеткавага амаладжэння, тры мільярды даляраў. Аб гэтым піша газета Sunday Time (пераклад - korrespondent.net).

Стартап будзе распрацоўваць біялагічную тэхналогію па аднаўленні здароўя клетак, іх устойлівасці да хвароб, траўм і нават інваліднасці.

Стварыць «лекі ад смерці» навукоўцы плануюць дзякуючы вывучэнню працэсу рэпраграмавання клетак, гэта значыць, іх вяртання ў стан ствалавых.

Як адзначае выданне, невядома, ці станецца праект паспяховым, але мяркуецца, што даследчыкі змогуць зрабіць новыя адкрыцці ў галіне барацьбы са старэннем.

Інстытуты навукі будуць займацца даследаваннямі, а Інстытут медыцыны - распрацоўкай лекаў. Яны размесцяцца ў Сан-Францыска і Сан-Дыега, а таксама ў брытанскім Кембрыджы. Таксама кампанія плануе супрацоўнічаць з Японіяй.

У раду дырэктараў Altos Labs увайшлі лаўрэаты Нобелеўскай прэміі ў хіміі Джэніфер Дудна (2020, генная інжынерыя) і Франсэс Арнольд (2018, ужыванне энзімаў).

Сустаршынямі рады сталі Рык Клаўзнер і Ханс Бішоп.

Сярод іх таксама галоўны навуковы супрацоўнік і прэзідэнт у даследаваннях і распрацоўках брытанскай фармацэўтычнай кампаніі GSK Хэл Бэран