NATO правядзе найбуйнейшыя вучэнні за Палярным кругам
- 20.01.2022, 16:31
У вучэннях возьмуць удзел 35 тысяч вайскоўцаў з 28 краін.
Паўночнаатлантычны альянс правядзе ў сакавіку найбуйнейшыя вайсковыя вучэнні за Паўночным палярным кругам.
Пра гэта паведаміла ў Twitter Місія ЗША пры NATO.
«Найбольшыя вучэнні NATO за Палярным кругам Cold Response запланаваныя на пачатак сакавіка», – гаворыцца ў паведамленні.
У вучэннях возьмуць удзел 35 тысяч вайскоўцаў з 28 краін NATO. У вучэннях таксама возьме ўдзел амерыканскі авіяносец USS Harry S Truman.