У Польшчы затрымалі беларуса, які нелегальна пераводзіў праз мяжу мігрантаў

• 18.01.2022, 16:17

Нелегалы атрымалі прадпісанне аб выездзе.

У Польшчы затрымалі беларуса, які перавёў праз мяжу 6 мігрантаў, паведамляе zerkalo.io са спасылкай на польскую памежную службу. Яму выстаўленае абвінавачанне ў арганізацыі незаконнага пераходу мяжы.

Паводле звестак польскіх памежнікаў, беларус нелегальна перавёў праз мяжу 6 чалавек - чатырох грамадзян Сірыі і двух егіпцян.

Уся група была затрыманая. Беларусу выстаўленае абвінавачанне ў арганізацыі незаконнага пераходу мяжы, а мігранты атрымалі прадпісанне аб выездзе з тэрыторыі Польшчы.