Генадзь Фядыніч: Сённяшняй Беларусі не месца ў МАП

• 27.09.2021, 15:06

Улада робіць усё, каб настроіць народ супраць сябе.

Намеснік старшыні прафзвязу РЭП Генадзь Фядыніч пракаментаваў praca-by.info сітуацыю з чаленствам Беларусі ў Міжнароднай арганізацыі працы (МАП):

- Мяркуючы па развіцці падзей, мы мелі рацыю, прапаноўваючы выключыць Беларусь са складу МАП пасля леташніх падзей. Бо МАП - арганізацыя, чальцы якой карыстаюцца павагай усіх міжнародных структур. Якой павагай сёння карыстаецца беларуская ўлада?

Калі гэта не спыніць, усе незалежныя прафзвязы апынуцца пад пагрозай. І вельмі хутка Мінюст можа паставіць пытанне аб скасаванні рэгістрацыі незалежных прафзвязаў.

Безумоўна, шукаць блох у стозе сена можна бясконца, але ўладам не варта забываць і іншае залатое правіла: не капай яму другому... Рэпрэсіі напалохаюць адных, але іншых прывядуць да шалу.

Асабіста я не сумняваюся, што ўлада зробіць усё магчымае, каб зачысціць незалежную прафсаюзную прастору. Незалежныя прафзвязы невялікія, але адыгрываюць вельмі важную ролю ў працоўных і сацыяльных дачыненнях.

Улада робіць усё, каб настроіць народ супраць сябе.