The Times: ЕЗ распрацаваў сакрэтны план «газавай вайны» з РФ
- 26.09.2021, 11:58
Ініцыятыва дапаможа знізіць кошт газу і пазбавіцца ад залежнасці ад Масквы.
Еўразвяз распрацаваў сакрэтны план «газавай вайны» з РФ, піша The Times. Паводле інфармацыі выдання, Гішпанія прапанавала іншым краінам ЕЗ аб'яднаць сваю пакупніцкую здольнасць і разам набыць стратэгічныя запасы паліва.
Як уважае Мадрыд, дзякуючы гэтай ініцыятыве Еўропа зможа «супрацьстаяць спробам Расеі абмежаваць пастаўкі газу і павысіць яго кошт» і ў выніку «перастане быць закладніцай Масквы».
Раней паведамлялася, што 15 верасня кошт газу ў Еўропе перавысіў гістарычныя максімумы, падняўшыся да $970. Сярод прычын рэзкага скачка цэн - маніпуляцыі РФ для запуску «Паўночнай плыні-2», высокія цэны на квоты па вугляродных выкідах у Еўропе, а таксама ўзрослы попыт на газ у Азіі і змяншэнне запасаў у сховішчах.