Мужчына адкрыў страляніну ў Сочы, дзе знаходзіцца Лукашэнка
- 26.09.2021, 8:03
Стрэлы з пісталета прагучалі ў цэнтры горада.
Мужчына адкрыў стральбу на першым паверсе гандлёвага цэнтра «Морамол» у Цэнтральным раёне Сочы, паведаміла «Интерфаксу» інфармаваная крыніца ў суботу.
Ён адзначыў, што стралка затрымалі супрацоўнікі ахоўнага прадпрыемства.
«Падчас стральбы ніхто не пацярпеў», - падкрэсліў суразмоўца.
З яго слоў, мужчына страляў з пісталета.
Пазней стала вядома, што ў сочынскім гандлёвым цэнтры «Морамол» у суботу паміж двума мужчынамі адбыўся канфлікт на бытавой глебе, абодва ўдзельнікі канфлікту затрыманы і дастаўлены ў аддзел паліцыі. Пра гэта паведамілі «Интерфаксу» ва УУС Сочы.
«Падчас канфлікту 22-гадовы мясцовы жыхар зрабіў стрэл з траўматычнай зброі ўверх. (...) Мужчыны затрыманыя і дастаўлены ў дзяжурную частку аддзела паліцыі. Пацярпелых няма», - падкрэсліў прадстаўнік УУС.