У Беластоку праходзіць акцыя салідарнасці з Анжэлікай Борыс і Анджэем Пачобутам

• 25.09.2021, 16:02

На акцыю прыйшлі палякі і беларусы.

У Беластоку адбываецца кампанія салідарнасці з арыштаванымі прадстаўнікамі польскай меншасці ў Беларусі Анжэлікай Борыс і Анджэем Пачобутам, паведамляе «Белсат».

Кіраўнікі Саюза палякаў у Беларусі знаходзяцца пад вартай паўгода. Ім пагражае ад 5 да 12 гадоў пазбаўлення волі.

Арганізатарамі акцыі выступілі Саюз палякаў у Беларусі і Падляшскае аддзяленне Асацыяцыі «Супольнасць палякаў» у Беластоку.

На акцыю прыйшлі палякі і беларусы, можна ўбачыць сцягі Польшчы і Беларусі, а таксама партрэты не толькі Анжэлікі Борыс і Анджэя Пачобута, але і журналістаў Кацярыны Андрэевай і Дар'і Чульцовай, музыкі Ігара Банцара, мастака Алеся Пушкіна, журналіста Дзяніса Івашына, якія знаходзяцца ў беларускіх турмах.