Падпісант ліста за сумленныя выбары Парэчын стаў трэнерам брамнікаў у польскай «Сталі»

• 24.09.2021, 18:59

У пачатку жніўня Парэчын, прапрацаваўшы адзін дзень, пакінуў трэнерскі штаб салігорскага «Шахцёра».

Трэнер брамнікаў Дзяніс Парэчын падпісаў кантракт з польскай камандай «Сталь» з Сталевай-Волі, якая займае сёмае месца ў другой лізе (ДЛ), піша «Трибуна».

У пачатку жніўня Парэчын, прапрацаваўшы адзін дзень, пакінуў трэнерскі штаб салігорскага «Шахцёра» Сяргея Гурэнкі, бо паставіў свой подпіс пад лістом сумленных спартоўцаў.

Паводле інфармацыі журналістаў, як і ў выпадку з Альшэўскім, ініцыятыва прыбраць Парэчына зыходзіла ад кіраўніцтва АБФФ - старшыні Уладзіміра Базанава і яго першага намесніка Юрыя Вяргейчыка.

Раней Парэчын распавёў, як пратэсты змянілі яго жыццё.