Дзве з паловай гадзіны не працавалі сайты і дадатак Беларускай чыгункі

• 23.09.2021, 12:14

Што здарылася?

23 верасня з тэхнічных прычынаў былі недаступныя інфармацыйныя рэсурсы Беларускай чыгункі: афіцыйны сайт БЧ rw.by, адзіны раздзел «Паслугі пасажырам» pass.rw.by, мабільны дадатак «БЧ. Мой цягнік», паведамляе telegraf.by.

Як паведамілі ў БЧ, рэсурсы не працавалі з 9-й. Пра аднаўленне іхняй працы паведамілі ў 11:23.

На прадпрыемстве паведамілі, што інфармацыю пра расклад руху цягнікоў можна атрымаць у Кантакт-цэнтры БЧ праз тэлефон 105, набыць квіткі можна ў чыгуначных касах.

"Беларуская чыгунка просіць прабачэння за прычыненыя нязручнасці", – расказалі ў БЧ.