У Менску ў кватэрах пачалі ўключаць ацяпленне

• 22.09.2021, 19:50

Глядзіце, калі дакладна ў вас дома стане цёпла.

Менскі гарвыканкам апублікаваў графік падлучэння ацяплення ў жылых дамах Менска. Цяпло ў кватэры, нагадаем, пачалі падаваць з сённяшняга дня.

У сераду, 22 верасня ў кватэры менчукоў пачало паступаць цяпло. Такое рашэнне было прынятае ў Менскім гарвыканкаме ў пачатку тыдня.

Мяркуючы з графіка, ацяпленне ў дамах менчукоў уключаць будуць паступова. Калі ў вашым доме пацяплеюць батарэі, можна паглядзець па спасылцы.

Нагадаем, ацяпленне ў жыллёвы фонд, інтэрнаты, установы адукацыі (за выключэннем садкоў і школ), тэатры, агульнагарадскія лазні паводле правілаў пачынаюць падаваць пры сярэднядзённай тэмпературы на працягу пяці дзён +8°C і ніжэй.