Анлайн-продаж квіткоў на цягнікі будзе працаваць з перабоямі дзве ночы

• 21.09.2021, 18:26

У касах квіткі можна будзе купіць без праблем.

У ноч на чацвер і пятніцу анлайн-продаж квіткоў на цягнікі праз сайт pass.rw.by і дадатак «БЧ.Мой цягнік» будзе працаваць з перабоямі, паведамляе прэс-служба Беларускай чыгункі.

Кароткачасовыя перабоі імаверна з 00 да 6 гадзін 23 верасня і з 00 да 5 гадзін 24 верасня. Яны звязаны з правядзеннем планавых тэхнічных работ.

Пры гэтым у касах квіткі можна будзе купіць без праблем.