Беларускі рубель страціў пазіцыі ў валютным кошыку
- 21.09.2021, 18:11
Курс валют у Беларусі на 21 верасня.
Паводле вынікаў чарговых валютных таргоў у аўторак, 21 верасня, беларускія рублі саслаблі да ўсіх асноўных валют. Пра курс валют у Беларусі інфармуе сайт Беларускай валютна-фондавай біржы.
Беларускі рубель страціў пазіцыі ў валютным кошыку і ў выніку пайшлі ў рост не толькі даляры і еўра, але і расейскія рублі.
Дэталёвы актуальны курс валют у Беларусі на 21 верасня такі:
- «зялёны» стаў цяжэйшым на 0,0031 бел. рубля. У выніку 1 даляр паводле курса роўны 2,503 беларускага рубля;
- еўрапейская валюта дадала яшчэ больш - 0,0077 беларускага рубля. Курс 1 еўра дасягнуў 2,9341 бел. рубля;
- таксама і расейскія рублі ў кошыку пацяжэлі, дадаўшы адразу 0,0097 бел. рубля. Паводле актуальнага курса 100 рублёў РФ раўняюцца 3,4168 беларускага рубля.