Сіноптыкі распавялі беларусам пра неспадзеўкі надвор'я ў панядзелак

• 19.09.2021, 13:21

Асабліва дастанецца ўсходняй частцы краіны.

Жоўты ўзровень небяспекі абвясцілі сіноптыкі ў Беларусі на панядзелак 20 верасня. Пра гэта паведамляе Белгідрамет Мінпрыроды. Прычына - моцныя ліўні.

Як паведамляюць сіноптыкі, моцныя дажджы прагназуюцца ва ўсходняй частцы краіны.

Тэмпература паветра, як чакаецца, будзе ўдзень у межах +5...+9°C. Прагназуецца паўночны вецер, 5-10 м/с. Толькі ў Віцебскай вобласці - паўночна-заходні, з парывамі да 14 м/с.