На Японію абрынуўся магутны тайфун

• 18.09.2021, 13:42

Стыхія перамяшчаецца ва ўсходнім кірунку.

Тайфун №14 абрынуўся на ўзбярэжжа вострава Кюсю і працягвае перамяшчацца ва ўсходнім кірунку.

У Японіі скасаваныя больш за 30 авіярэйсаў у цэнтральных раёнах краіны праз магутны тайфун №14, паведамляе NHK.

Тайфун, які абрынуўся на ўзбярэжжы выспы Кюсю, працягвае перамяшчацца ва ўсходнім кірунку.

«Людзі па ўсёй Японіі рыхтуюцца да патэнцыйна катастрафічных ўмоў надвор'я... Афіцыйныя прадстаўнікі заклікаюць людзей, якія знаходзяцца ў раёнах на шляху тайфуну, сцерагчыся апоўзняў і паводак», - гаворыцца ў паведамленні.

Пакуль загад аб эвакуацыі атрымалі амаль 400 чалавек.

Праз тайфун прыпынены рух на некаторых маршрутах суперэкспрэс Сінкансэн і мясцовых чыгуначных лініях.

Чакаецца, што тайфун аслабне раніцай у нядзелю.