У Вялікабрытаніі прызначаны новы міністр замежных спраў
- 15.09.2021, 18:26
Кіраўніцай МЗС Вялікабрытаніі прызначаная экс-міністарка міжнароднага гандлю.
Міністаркай замежных спраў Вялікабрытаніі прызначаная Ліз Трас.
Пра гэта паведамляе Sky News.
Раней Трас займала пасаду міністаркі міжнароднага гандлю. Таксама яна захавала за сабой пасаду міністра ў справах жанчын і сацыяльнай роўнасці.
Sky News адзначае, што гэта другая жанчына на пасадзе кіраўніцы МЗС Вялікабрытаніі пасля Маргарэт Бэкет.