У чацвер у Беларусі чакаецца да +22 градусаў

• 15.09.2021, 18:02

Уначы прагназуюць замаразкі.

Уначы 16 верасня ў асобных раёнах Беларусі на глебе чакаюцца замаразкі, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер чакаецца пераменная воблачнасць. Будзе пераважна без ападкаў, толькі ўдзень па заходняй палове краіны часам будуць ісці дажджы. Уначы і раніцай месцамі магчымы слабы туман. Вецер уначы будзе няўстойлівы слабы, удзень - паўднёва-ўсходні 4-9 м/с, па захадзе парывы да 12 м/с.

Тэмпература паветра ўначы складзе плюс 1-7 градусаў, у асобных раёнах на глебе чакаюцца замаразкі ад нуля да мінус 2 градусаў, па захадзе краіны будзе 8-12 цяпла. Удзень тэмпература паветра будзе вагацца ад плюс 14 градусаў на паўночным усходзе да плюс 22 па паўднёвым захадзе.