Мікалай Статкевіч: Рэжым атрымаў смяротны ўдар у адну з мясцін, як ва ўсходніх адзінаборствах

• 15.09.2021, 9:25

Лукашэнку давядзецца змірыцца са сваёй палітычнай смерцю і нашай адкладзенай перамогай.

Лідар беларускай апазіцыі Мікалай Статкевіч у адным са сваіх лістоў параўнаў палітычную сітуацыю ў Беларусі з усходнімі адзінаборствамі:

- У дзяцінстве, калі ў СССР пачаўся бум усходніх адзінаборстваў, сярод хлапчукоў хадзілі гісторыі пра мясціны на целе чалавека, удар у якія спачатку не выклікае вонкавых праяў, але праз пэўны час прыводзіць да смерці. І адзін з удзельнікаў адзінаборства спачатку хваліцца «перамогай», а потым памірае праз такі ўдар.

Не ведаю, ці праўда бываюць такія адкладзеныя перамогі ці адкладзеныя смерці (з якога боку паглядзець) у адзінаборствах, але ў палітыцы яны бываюць дакладна. І некаторыя ўсё не могуць скарыцца са сваёй палітычнай смерцю, з нашай адкладзенай перамогай.