Хто атрымаў Шнобелеўскую прэмію ў гэтым годзе?
- 10.09.2021, 9:53
Цырымонія прайшла ў Гарвардскім універсітэце 9 верасня.
У Гарвардскім універсітэце 9 верасня адбылася цырымонія ўручэння Шнобелеўскай прэміі навукоўцам за даследаванні і дасягненні, «якія спачатку прымушаюць смяяцца, а затым - задумацца».
Мерапрыемства праходзіла ў онлайн-фармаце праз пандэмію каранавіруса, паведамляецца на сайце жартоўнай прэміі. Пераможцам уручылі прыз - папяровую шасцярэньку, якую яны павінны былі сабраць самі з раздрукоўкі PDF, і грашовую прэмію ў выглядзе банкноты на 10 трыльёнаў зімбабвійскіх даляраў, якая выйшла з абароту.
У галіне біялогіі прэмію атрымала навукоўца, якая аналізавала, як змяняецца мяўканне, фырканне, вуркатанне і іншыя спосабы «камунікацыі» катоў з людзьмі.
Прэмію ў экалогіі атрымала група навукоўцаў за выкарыстанне генетычнага аналізу для выяўлення розных відаў бактэрый, якія засяляюцца ў выкінутай жуйцы, прыліплай да ходнікаў.
Лаўрэатамі ў хіміі сталі навукоўцы, які праводзілі хімічны аналіз паветра ў кінатэатрах, каб праверыць, як на пах, пакінуты гледачамі, уплывае паказаны ў фільмах гвалт, антысацыяльныя паводзіны, выкарыстанне ненарматыўнай лексікі і ўжыванне наркотыкаў.
Прэмія ў галіне эканомікі сышла даследчыкам, якія шукалі сувязь паміж карупцыяй у краіне і ступенню атлусцення палітыкаў.
У медыцыне перамагла група навукоўцаў, якія прадэманстравалі, што аргазм можа быць такім жа эфектыўным для паляпшэння насавога дыхання, як і лекі супраць апухласці.
Прэмію міру атрымалі навукоўцы за праверку гіпотэзы пра тое, што людзі сталі насіць бароды, каб змякчыць эфект ад удараў па твары.
Прыз у фізіцы дастаўся даследчыкам, якія правялі экспэрымент з мэтай высветліць, чаму пешаходы не сутыкаюцца пастаянна з іншымі пешаходамі.
А вось лаўрэатамі прэміі ў галіне кінетыкі сталі іншыя навукоўцы, якія высвятлялі, чаму пешаходы часам усё ж сутыкаюцца з іншымі пешаходамі.
Прыз у энтамалогіі атрымалі навукоўцы, якія даследавалі новыя метад барацьбы з тараканамі на падводных лодках.
У галіне транспартавання перамаглі аўтары экспэрыменту, якія праверылі, ці бяспечней перавозіць насарогаў уверх нагамі.