Дзве партыі беларускіх цыгарэт затрымалі ў Латвіі
- 6.08.2021, 20:17
Цыгарэты знайшлі ў грузавым аўтамабілі.
На гэтым тыдні латвійскія мытнікі затрымалі дзве партыі беларускіх цыгарэт.
3 жніўня 1200 пачкаў цыгарэт знайшлі ў грузавым аўтамабілі, які ўязджаў у Латвію праз пункт пропуску «Сілене».
5 жніўня больш як 26 тысяч пачкаў цыгарэт NZ GOLD і QUEEN Superslims былі выяўленыя ў грузавым цягніку ў вагоне са дранкай.
Агульная сума нявыплачаных з цыгарэт падаткаў склала 93 тысячы еўраў, паведамляе латвійская мытня.