У Ізраілі пачалі масавую COVID-вакцынацыю трэцяй дозай

• 6.08.2021, 14:49

Прышчэпкі атрымалі ўжо больш за 250 тысяч чалавек.

У Міністэрстве аховы здароўя Ізраіля прывялі статыстыку рэвакцынацыі людзей ва ўзросце 60+ трэцяй дозай прэпарата супраць каранавіруса. На сёння прышчэпкі атрымалі ўжо больш за 250 тысяч чалавек, піша «УНІАН».

Як адзначаюць у мясцовым Міністэрстве аховы здароўя, назіраецца высокая зацікаўленасць у рэвакцынацыі сярод паджылых ізраільцаў. Яшчэ 381 тысяча чалавек запісалася ў чаргу на атрыманне трэцяй дозы вакцыны.

COVID-вакцынацыя трэцяй дозай: што вядома

Ізраіль першым у свеце ухваліў увядзенне трэцяй дозы вакцыны паджылым людзям ва ўзросце ад 60 гадоў і старэйшым.

САЗ хоча забараніць рэвакцынацыю супраць COVID-19 да канца верасня, каб усе наяўныя запасы вакцын накіраваць тым, хто пакуль іх не атрымаў.