Медыкі назвалі прадукт, які аднаўляе працу печані

• 6.08.2021, 14:24

Гэты прадукт цэніцца за супрацьзапаленчы эфект.

Дадаванне куркумы ў рацыён дапаможа людзям, якія пакутуюць ад праблем з печанню і высокага ўзроўню цукру ў крыві. Пра гэта заявіла лекар-дыетолаг Вольга Караблёва, піша healthinfo.ua.

Яна адзначыла, што рэчыва куркумін цэніцца за супрацьзапаленчы эфект: яно пазбаўляе ад акне, загойвае дробныя раны, дапамагае арганізму ствараць калаген (бялок, які знаходзіцца ў костках, сухажыллях, храстках і іншых тканінах). Заправу дадаюць у плоў, стравы з мяса, рыбы і гародніны.

«Куркума - гэта і антыаксідант, які змагаецца з дэпрэсіяй, эфектыўны пры хваробах печані, зніжае ўзровень цукру ў крыві (калі вы прымаеце прэпараты ад дыябету, куркуму не рэкамендуюць). Рэгулюючы цукар, вострая прыправа спраўляецца з пачуццём голаду, так што яе можна рэкамендаваць тым , хто на дыеце», - паведаміла лекарка, нагадаўшы, што каларыйнасць куркумы - блізу 325 калорый на 100 грамаў парашка.