Працуй павольна!

• ТЭЛЕГРАМ-КАНАЛ «БАСТА!»
• 5.08.2021, 16:49

Такі метад страйку ўжо быў паспяхова выпрабаваны падчас Другой сусветнай вайны.

Навошта спяшацца, калі за выкананне табой працы ў кароткія тэрміны табе ўсё роўна не заплацяць больш? Разняволься, пагутары з калегамі, абмяркуйце навіны, сем'і. Не трэба ляцець наперадзе паравоза. І час прыемна праляціць і карысці будзе значна больш. Уяві, што ад хуткасці тваёй працы залежыць хуткасць паступлення грошай у скарбонку карнікаў?

Дарэчы, такі метад італьянскага страйку ўжо быў выпрабаваны на практыцы падчас Другой сусветнай вайны. Тады Польшча і Чэхаславакія былі акупаваны немцамі. Мясцовыя партызаны распаўсюджвалі розныя графіці на вуліцах гарадоў. Напрыклад, чарапаху або фразу «Паляк, працуй павольна». І гэта дало вынік! Запаволенне працы прадпрыемстваў прывяло да страт на некаторых з іх да 30%.

Тэлеграм-канал «Баста!»