У чацвер у Беларусі чакаецца да +27 градусаў
- 4.08.2021, 18:06
На большай частцы тэрыторыі краіны пройдуць дажджы.
Дажджы і навальніцы чакаюцца ў Беларусі 5 жніўня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У чацвер чакаецца пераменная воблачнасць. Уначы на большай частцы тэрыторыі краіны пройдуць дажджы, месцамі моцныя. Удзень у многіх раёнах прагназуюцца кароткачасовыя дажджы. У асобных раёнах прагрымяць навальніцы. Уначы і раніцай месцамі магчымы слабы туман. Вецер будзе пераменных напрамкаў 4-9 м/с, пры навальніцах парывы да 14 м/с.
Тэмпература паветра ўначы складзе плюс 11-17 градусаў. Удзень тэмпература паветра будзе вагацца ад плюс 18 градусаў на поўначы да плюс 27 на паўднёвым усходзе краіны.