Крысціна Ціманоўская прыляцела ў Вену

• 4.08.2021, 16:42

Адтуль яна вылеціць у Варшаву.

Беларуская лёгкаатлетка Крысціна Ціманоўская прыляцела ў Вену рэйсам аўстрыйскай авіякампаніі Austrian Airlines пасля інцыдэнту на Алімпійскіх гульнях у Токіё.

Чакаецца, што ў аўстрыйскай сталіцы яна зробіць перасадку і адправіцца ў Варшаву. Пра гэта ў сераду паведаміў аўстрыйскі інтэрнэт-тэлеканал OE24.

Нагадаем, беларускія ўлады спрабавалі сілком вывезці лёгкаатлетку Крысціну Ціманоўскую з Токіё. Спартоўка звярнулася па дапамогу ў японскую паліцыю. Пасля МЗС Польшчы прапанавала спартоўцы сваю дапамогу і выдала гуманітарную візу.