Сканала маладая жыхарка Барысава, якую зацягнула ў станок пры ўладкаванні на працу

• 4.08.2021, 14:53

Дзяўчына ў цяжкім стане знаходзілася ў рэанімацыі.

Памерла 21-гадовая жыхарка Барысава, якая атрымала цяжкую траўму на адным з прадпрыемстваў горада. Пра гэта паведамляе ex.press.by са спасылкай на блізкіх загінулай.

Нагадаем, паводле інфармацыі Следчага камітэта, раніцай 13 ліпеня дзяўчына прыйшла на адзін з мясцовых заводаў з мэтай працаўладкавання. Начальнік вытворчасці і майстар участку правялі яе ў вытворчы цэх. Намотчыца станка, якая дэманстравала працу абсталявання, адвярнулася зрабіць запіс у часопісе. Павярнуўшыся, яна ўбачыла дзяўчыну ўжо на падлозе, пры гэтым частка валасоў была наматаная на станок.

Дзяўчыну ў цяжкім стане даставілі ў рэанімацыйнае аддзяленне Барысаўскай ЦРБ. Паводле інфармацыі, атрыманай ад блізкіх, яна памерла.