ЗША перадалі ў 60 краін 110 мільёнаў доз вакцыны

• 4.08.2021, 12:08

Байдэн упэўнены, што справіцца з каранавірусам дапаможа толькі вакцынацыя насельніцтва.

Злучаныя Штаты ахвяравалі і адправілі больш за 110 мільёнаў доз вакцыны супраць каранавіруса ў больш як 60 краін свету - «ад Афганістана да Замбіі». Пра гэта заявіў кіраўнік Белага дома Джо Байдэн, піша Associated Press (пераклад - korrespondent.net).

«Вакцынуем Амерыку і дапамагаем вакцынаваць свет. Вось як мы збіраемся перамагчы гэтую штуку», - сказаў Байдэн.

Ён таксама паабяцаў, што ЗША стануць «арсеналам вакцын» для ўсяго свету.

Згодна з планам амерыканскага лідара, амаль 75% доз у ЗША размяркоўваюцца праз COVAX, мэта якога - дапамагчы краінам з нізкім і сярэднім узроўнем даходу, а астатняя частка адпраўляецца партнёрам і хаўруснікам ЗША.

Тым часам стала вядома, што ў рэстарацыі і спартзалы Нью-Ёрка будуць пускаць толькі вакцынаваных. Праграма пад назвай Пропуск ключ у Нью-Ёрк, увойдзе ў дзеянне 13 верасня.

А напярэдадні паведамлялася, што амаль палова жыхароў ЗША цалкам вакцынаваная ад COVID-19. У штаце Джорджыя супрацоўнікам школ абяцаюць нават па тысячы даляраў, калі яны атрымаюць дзве прышчэпкі ад каранавіруса да канца верасня.